சுமார் நானூற்றி ஐம்பது கோடி ஆண்டுகளுக்கும் மேலாக இயங்கிக் கொண்டிருக்கும் இந்த உலகில் பல்வேறு மொழிகளும் மதங்களும் கடைபிடிக்கப்பட்டு வருகின்றது. மொழிகள் பலவானாலும் அந்தந்த மொழிகளில் உள்ள எழுத்துக்களின் உச்சரிப்பை உருவாக்குவதற்கு அ என்ற எழுத்தின் அகர ஒலி அடிப்படையாக விளங்குவது போல, அகரம் தமிழ் எழுத்துக்களுக்கு மட்டுமல்லாமல் மனிதன் உச்சரிக்கும் எல்லா மொழி எழுத்துக்களின் உச்சரிப்பிற்கும் அடிப்படையாக விளங்கியிருப்பதைச் சுட்டிக்காட்டி அதுபோலவே முழுமுதற்கடவுளும் உலகிற்கு அடிப்படை எதிலும் இருக்கின்றார் மொழி, மதம், நாடு, நாம் கும்பிடும் அனைத்து கடவுள்களிலும் இருக்கின்றார். ஆயிரம் கடவுள் சேர்ந்து இந்த உலகத்தை படைத்திருக்கவில்லை அப்படியென்றால் அனைத்து கடவுளுக்கும் அடிப்படை முழுமுதற்கடவுள் பொதுவாக ஒன்றாகத் தானே இருத்திருக்க வேண்டும் என நமது எல்லா வேறுபாடுகளுக்குமிடையே உள்ள அடிப்படை ஒற்றுமையைச் சுட்டிக்காட்டி அதுவும் மனிதர்களுக்கு மட்டுமல்லாமல் அனைத்து உயிரனங்களுக்கும், உலகிற்கும், முழுமுதற்கடவுளே அடிப்படை என்று நம் வேற்றுமைகளில் ஒற்றுமை காண நமக்கு வழிகாட்டியிருக்கின்றார்.